Çaste poetike me poetin .Skender BERISHA
EDHE TASH PO EC
—————————
Nga një pjesë e imja
Shkon me ditën
Tjetra me natën
Shi e mjegull me mua maten
Kur dal kur hyj kur shkoj kur dehem
Njëjtë sillet rrota
Dhe palohen një mbi një
Vitet e plota
Ecë rrugicave të mia të njohura
Pak mbetën gjurmë të vjetra
Edhe shokë
Poashtu pak
Në strehët e dikurshme
Nuk bëhen më akuj
Nën rrapin e vjetër nuk mblidhemi
Nuk bëhemi shakuj
Si ndërruan e shkuan ditët në pakthim
Tash endem e përpiqem të marr frymë
Pak për veti
Pak për vitet mbuluar brymë
19 shtator 2022
