E mërkura poetike me poeten: Hana XhIHANI

Gjymtim

————————-

Nëpër rrugë ai çirrej :

Nga ju,

nga ju

të ndyrë,

të mallkuar,

shkatërrimtarë,

grabitqarë,

të çmendur,

të shpifur!

Dëshirat e juaja të degjeneruara gjymtojnë!

Pervers të neveritshëm!

Ju,

që krijoni vuajtje,

që varrosni dhimbje,

që kërkoni viktima me pse-në e këtij makthi,

me pse-në e këtij pisllëku të paefektshëm.

PËRSE!?

Përse e doni vuajtjen,

përbuzjen,

PËRSE ?!

Filizat janë errësuar si një ekran i errët

duke u mbajtur pas ëndrrës.

S’i mbetet tjetër, nën hijen e ujit pëshpëritin: “SHPRESË”

për një botë më të ndjeshme.

Mos i këpusni gjethet e fundit!

A mundet ta shërojmë këtë gjymtim?!

 & & &

Ju egërsira të frikshme,

Ju bukuri boshe me mendje të shëmtuar,

Ju “xixëllonja” pa konture të ndritshme,

Diellin e nesërm po e varrosni me ato duar!

 /www.qendrapress.com/