Fryma poetike e së mërkurës me poeten;-Adelina PALI

U LODHA

——————————————-

U lodha nga marrëzitë e përditshme,

Nga njerëz që veç punët e tjetrit shikojnë.

Më hutojnë këto gjëra të çuditshme,

Mostra që botën duan “të ndryshojnë”!

Bërtas fort, përditë si e marrë,

Me gjithë shpirt, thërras e thërras fort.

Por askush të më dëgjojë nuk ka dalë,

Ç’ka brenda meje s’e kuptojnë dot.

U lodha, u mërzita nga kjo padrejtësi,

Nga lustrat “të kam shpirt e zemër”

Njerëz kudo mbushur plot hipokrizi.

Që prapë “e keqe” thonë nga ana tjetër.

S’kam më fuqi, nga këta të gjithë

Vërtet u lodha dhe u rraskapita.

Sado u lodha gjë s’nxorra në dritë

S’kam më fuqi,u lodha, u mërzita. /www.QendraPresss.com