Fryma poetike e së dielës me poeten:-Donika Stasa DOMI

DASHURI NËNE.

. ( Ninullë )

Nina-nana bijë e nënës ,

mbylli sytë e bukur….o gëzimi im ,

ti dritë dielli që m’ule n’krah të zemrës ,

o melodi jete…që ngroh shpirtin tim .

Ninulla të bardha të këndoj pranë djepit,

o dritë mëngjesi , bekim edhe shpresë ,

pëllumbeshë e bukur ,e imja luledardhë,

karafili i kuq ….qëndisur me vesë .

Uli qerpikët bijë, se zgjuar rri hëna ,

e rrezen e artë … ta zbret në dritare ,

që të jesh e lumtur në të tuat ëndrra ,

o e ëmbla mjalt me syrin si sorkadhe .

Fli bijë se fjetën dhe zogjtë në foleza,

e bota rreth nesh në gjumë ka shkuar ,

që ti shohësh veç ëndrra të kaltra ,

me dashuri nëne ,vetë të kam mbuluar .

/www.QendraPress.com/