Marsi i së dielës poetike me poeten;-Irena BIDA
JINI MIRËNJOHËS FIGURËS FEMËR…!
—————————————————
Kur preken nga euforia ,
entuziazmohen meshkujt
Dhe kjo ,nuk ju lejon ,
të shohin , çfarë prekin.
Në ndjenjat e nje femre ,
ka gjithmonë mirësi .
Në dete pasioni ,
ëndrra ,varka ,dashuri .
Edhe pse nga figura femër respektohen ,
meshkujt fyejnë dhe përçmojnë .
Pas figurës femër verbohen ,
femrën e tyre thyejnë , kërcënojnë …
Nuk duan të jenë të kujdesshëm ,
për bukurinë dhe ëmbëlsinë femër .
Flasin me gjeste arrogante ,
në vend ,që të flasin me zemër.
Godasin delikatesën ,
madhështinë e jetës.
Duke përçmuar femrën ,
përçmojnë të vërtetën …
Nëse do të mundnin ,
në kështjellën femër të depërtonin,
do të trulloseshin ,
do t’u therte në zemër .
Dhe do të pëlqenin ,
në kosheren femërore mjaltin.
Për sharmin femër ,
do të betoheshin prore…
Në shpirt dashninë godit .
Puthjet me epsh t’i ndjellësh .
Përqafime të nxehta pa limit ,
në ujvara bukurie ,të endësh…
Zbatoni vullnetin e më së mirës .
Mos gjeni rrugë ,të shuarjes së kureshtjes .
Mos u jepni thjesht pas kënaqësisë .
Ushqejeni me shpirt ,flakën e dashurisë .
Gabim fatal i sillni njerëzisë ,
ju makutë të mishit dhe hipokrizisë .
Mistere të shpikjes ,frikacakë mashkullorë ,
dyshues në veten ,paragjykues të gjorë …
Ju ,nuk e njihni thellësinë e ndjenjës .
Urreni ,refuzoni ,kur duhet të dashuroni .
Meshkuj meskinë ,manekinë të jetës ,
që veç banalitetit prapa i shkoni …
Prekni shpirtin, o meshkuj vulgarë .
Komplimentojeni ,putheni ikonën femër .
Përqafojeni ,atë ,delikaten me zemër .
Mos u sillni me gruan ,si të ishit barbarë.
Kështu do të kuptoni , se çfarë mister ,
fshihet brenda shpirtit femëror .
Kënaqësi të paprovuara do të njihni .
Çelësin e ndjenjës , të paprekur do rruani.
Qiellin e pasionit do të prekni me dorë …
/www.qendrapress.com/
