Fryma poetike e së mërkurës me poeten;-Blerina BEHARI

MALI

——————–

Përballë malit hijerëndë,

qëndroj e menduar.

Si iku kjo jetë,

rrëshqiti nëpër duar ?

Mali dëshmitar

i viteve plot stuhi,

i vetmi besnik deri në përjetësi.

Sa të admiroj !

Madhështor, ti ngrihesh

mbi gjithë të tjerët.

Nuk tutesh, nuk fshihesh,

lart, aty qëndron.

Në stuhi e tufan,

i pamposhtur je !

Qëndron si vigan.

Hijeshinë tënde,

shumë e admirojnë.

Nga të gjitha bukuritë,

me asnjë nuk të krahasojnë !

Sa dua të të ngjaj !

I fortë, i paepur,

mes shiut dhe rrebesheve,

gjithmonë zemërhekur.

Top of Form

Bottom of Form

/www.qendrapress.com/