E diela poetike me poetin:-Gëzim AJGERAJ

EH, Ç` ÇENKA JETA E NJË MËRGIMTARI

————————————————

Dal një herë në breg të kohës

E ia ndal çastet e udhëve të përmallta

Autopsiae saj mi shkrumbon mendimet

Ulem pranë fëmijërisë sime te guri i shkallës

E nëpër nostalgjinë e mendimeve

E flladis mallin e rritës pranë kullës

Ikja shpejt na e shqelmoi rininë

Dhe me shpresat e mashtrimeve

Na i ngriti ylberet e udhëve

Udhët mi vodhën ëndrrat

E nëpër dhimbjen e ikjeve ndërtuan piramidën e mallit

Brenda gurëve na i varrosën dekadat e arratisë

Nëpër ikjet e gjeografive të udhëve

Mësuam ç`është mungesa e atdheut

As njerkë nuk gjetëm të paktën ta përqafonim

me mallin e nënës

Kujt të ia shpalosim këngët e dhimbjeve tona

Mallin që valon në gji ku ta strehojmë

E hisja e diellit tonë ngrohë diku larg

Edhe fjalës na i dhemb muza e mendimit

E me plagët e shkrumbuara në gji

Na i djeg vargjet

Jam ulur në bregun e mendimeve

E mezi mahem shpatijeve të mallit

Që po grinë në shpirt

E nëpër autopsinë e dekadave nëpër mall

E i them vetes;

Eh, ç` qenka jeta e një mërgimtari?

Zvicër, 2023

/QendraPress/