Fryma poetike e së dielës me poetin;-Rrustem GËRGURI

EJA, ORE, ÇLIRIMTAR!

——————————

Kundroj pa pushim

dritën e yjeve,

si ndriçon ti, o shkëlqimtar!

I qetë.

Ne dergjemë në pritje,

në pritjen e dritës sate,

o çlirimtar!

Po eja,

lulen e rënies sate

në zemrat tona ta çelësh.

Përkulur mbi shtratin tënd

vetmor –

dhimbje lirie.

Po eja, se përditë po mbyllen

sytë e djalërisë.

Ëndrra del e dergjet stinëve,

aq shumë kemi mall

sa sytë na i verboi

mungesa…

Eja dhe na mëso

se si shijohet liria!

/QendraPress/