Çaste poetike me poeten;-Blerta BASHA

LIBRI FJALET E SHPIRTIT..

————————————–

Aty ku shkronjat flasin me gjuhën e zemrës,

Në çdo fletë të bardhë kam vargosur jetën,

Në ty kam shtrydhur të gjithë qiellin e dashurisë

Kam qendisur çastet me fijet e arta të lumturisë.

Kam vargosur dhimbjen edhe gëzimin,

Se jeta jo gjithmonë është fushë me lule,

Me buzëqeshjen kam mposhtur trishtimin,

Te ty i dashur libër kam pikturuar jetën!

Me ty krenohen dhe zogjtë e malit,

Bilbilat këngës ja marrin plot gëzim,

dallëndyshet hapin krahët e mallit,

Me ty përqafohen me çdo cicërimë.

Ti je burimi i pashtershëm në jetë,

Me sytë e shpirtit shoh botën krejt!

/QendraPress/