Fryma poetike e së mërkurës me poeten;- Linda SHAQIRI

Piramida e Diellit

—————————

Shkela mbi malet e mia,

Në cepin e lashtë të historisë,

U ktheva në kohën ilire,

Në zemër të gjallë të Dardanisë.

Gisht më gisht gërvishta tokën,

Të thithë gjakun e flamurit,

Të marr bekimin nga Zoti,

Dhe u nisa drejt dritës së gurit.

Me plisin e bardhë mbi kokë,

U nisa drejt një epoke të re,

Ku fjala e lirë merr frymë,

Si Iliri që s’vdes kurrë në ne.

Të vë gurin në vendin e vet,

Aty ku pesha bëhet drejtësi,

Aty ku zëri ngrihet i lirë,

Dhe shpirti flet për liri.

Të ngremë Piramidën e Diellit,

Të gjithë bashkë rreth saj,

T’i dalim zot kësaj epoke,

Të bashkuar—si një Mbretëri pa skaj.

/QendraPress/