Çaste poetike me poeten;-Bjondina AGOLLI

Në fat qeshim edhe qajmë!

————————————–

Në rrugën e fatit ecim ngadalë,

me ëndrra në zemër e plagë në ballë.

Një ditë na fal buzëqeshje si dritë,

një tjetër na lë në heshtje pa zë e pa pritë.

Ka net ku shpirti nga dhimbja loton,

por prapë zemra forcën e gjen dhe jeton.

Se jeta s’është veç diell e pranverë,

ka stuhi që njeriun e bëjnë më të vlerë.

Në fat qeshim edhe qajmë çdo ditë,

mes humbjesh të vogla e shpresash pa pritë.

Por ai që lufton e nuk dorëzohet kurrë,

edhe pas errësirës do gjejë pak nur.

Se fati na sprovon, na rrëzon ngadalë,

por zemra që beson ringrihet përsëri krenare

/QendraPress/