Çaste poetike me poeten :- Tixhe Rexha GËRQARI    

NGJYRAT E JETËS DHE PASQYRA

——————————————

Ngjyrat e jetës nuk i sjell vetëm dielli.

Ato lindin nga një buzëqeshje,

nga një përqafim,nga një dorë

që të ngre kur rrëzohesh.

Janë dashuria e atyre

që na mësuan ta njohim veten,

zërat që na mbetën në shpirt,

shpresa, besimi dhe ëndrrat

që ndezin dritën edhe kur dita errësohet.

Dhe pasqyra i ruan të gjitha.

Ajo nuk mban vetëm fytyrën.

Mban kohën, mungesat, heshtjet,

humbjet që nuk u thanë,

zhgënjimet që lanë gjurmë

dhe ëndrrat e mbetura përgjysmë.

Pastaj vjen jeta.

Pa trokitur.

Sjell stinë që nuk shkruhen në asnjë kalendar.

Çdo sprovë nuk e thyen pasqyrën.

I lë një krisje.

Një krisje tjeter pastaj një tjetër.

Derisa një ditë

nuk sheh më fytyrën që kishe dikur.

Jo pse pasqyra është thyer,

por sepse çdo plagë

ta ka gdhendur një fytyrë më të vërtetë.

Dhe atëherë kupton

njeriu nuk matet nga sa herë është thyer,

por nga sa dritë

ka arritur të ruaj në copat e veta.

Sepse edhe një pasqyrë e thyer,

kur e prek drita, nuk humbet.

Ajo e shumëfishon dritën.

/QendraPress/