Fryma poetike e së dielës me poetin;-Rexhep F. MORINA

VEÇ ARMIKU E URRENTE

(Komandantit të ZOD-it R.H.)

——————————————

Me kullat krenare, të traditës e të besës,

Dukagjini heroik, i luftës dhe qëndresës.

Ka rritur trimin si shqiponjën e bjeshkës,

Vigjilonte atdheun prej majës së kreshtës.

Ai farkëtohej në jetë, betejave me zjarrin,

Duke i dhënë provat në luftë me barbarin.

Ish lidhur me shokë, si shkëmbi me tokën,

Burrërisht qëndruan, e ndryshuan epokën.

Dëshmohet komandanti, tok me luftëtarë,

Të pandarë ndër tymnaja, nga dita e parë.

S’u ndal njëherë, armën se hoqi nga dora,

Përballë flakës në istikame, e tij ishte ora.

Edhe në paqe ndihmoi të ndërtohet vendi,

T’mbruhet forca ushtarake, siguria e rendi.

Veç armiku e urrente, s’arriti ta vras kurrë,

As tani nuk ka plumb, që ta vret atë burrë.

/QendraPress/