Poezi atdhetare me poetin:-Sabit RRUSTEMI

TURPI KA EMËR

————————–

Turpi ka emër

dhe ai është përtej neve

t’i kursejmë zemrat tona të paqta

Vetëm dashuria jonë e thellë

i mbron ata që i duam

Ta ruajmë më shumë se sytë e ballit

më shumë se vetën

këtë Kosovë

se …

ju duhet edhe brezave që vijnë pas nesh

shekujve që do t’kalojnë mbi ne

e nëpër ne

Asgjë s’na duhet më shumë

sa urtësia jonë e lashtë

sa hapi ynë i matur

dhe i pandalshëm

Turpi ka emër

dhe u pa prej nga erdhi

Sa më shumë dashni

për Kosovën tonë të re

– të moçmen Dardani

/QendraPress/