Fryma poetike e së mërkurës me poetin:-Enver SAHITI

NË EMËR TË CILIT POPULL?

—————————————-

Në emër të cilit popull flitet sot,

kur viktima hesht e krimineli përgëzohet?

Në emër të cilës drejtësi,

kur i pafajshmi dënohet e fajtori nderohet?

Në emër të cilit popull u vranë e u dhunuan,

u maltretuan dhe u dëbuan nga trojet stërgjyshore?

Në emër të cilit ligj u harruan plagët,

dhe lotët e nënave mbetën pa përgjigje?

Çfarë drejtësie është kjo,

që peshon ndryshe gjakun e të vrarit?

Çfarë drejtësie është kjo,

që çlirimtarin e vë në bankën e të akuzuarit?

Historia nuk fshihet me aktgjykime,

as dhimbja nuk shuhet me heshtje.

Një popull kërkon vetëm të vërtetën:

drejtësi për viktimën, nder për çlirimtarin!

Enver Sahiti..

/QendraPress/