Çaste poetike me poetin;-Faruk TASHOLLI

HARROJE EMRIN BURRË

————————————

Shporre nga buzët e tua të lëngshme

Emrin „burrë“,

Së paku mua mos më thirr kështu kurrë,

Ama bash kurrë! Të lutem, kurrë!

Harroje këtë emër se droj u ngjaj

Burrave të ligj që vrasin gra,

Dhe rrahin gjokse kreshnikësh

Gjykatoreve të turpit.

A përbirohet predha e armës hej

Mes gjinjve që ushqejnë bukurinë e jetës

Me qumësht me ngrohtësi me dashuri,

A çahet ai ballë me shkëlqim drite

Si dielli?!

Hiqe nga buzët e tua me zërin e mëndafshtë

Emrin e egër „burrë“

O e dashura ime hyjnore, se:

Po më ndjekin pas predhat e kronikave të zeza

„Burri rrahu grruan“, „Burri vrau gruan“!

Burri…

/QendraPress/