Alarmi i OKB-së: Rreziku i një konflikti të madh është real

                         Në një takim urgjent të Këshillit të Sigurimit, OKB-ja nënvizoi se rreziku i një konflikti të madh në Ukrainë është real dhe duhet të parandalohet me çdo kusht.Për Shtetet e Bashkuara, vendimi i Rusisë nuk ishte vetëm një sulm ndaj Ukrainës, por një sulm ndaj sovranitetit të çdo shteti anëtar të OKB-së, i cili do të ketë pasoja të shpejta dhe të rënda.“Ne mbetemi të hapur ndaj diplomacisë dhe zgjidhjes diplomatike, por nuk do të lejojmë një gjakderdhje të re në Donbass”, tha ambasadori rus në OKB, Vassily Nebenzia.Në përgjigje të tij homologu ukrainas, Sergiy Kyslytsya deklaroi se kufijtë nuk do të ndryshojnë.“Ne jemi të përkushtuar në rrugën diplomatike, por jemi në tokën tonë. Kufijtë nuk do të ndryshojnë”.