Bie nga ndërtesa, vdes 50-vjeçari në Prishtinë

                  Një person ka rënë nga lartësia e një ndërtese në Prishtinë, si pasojë ka ndërruar jetë. Rastin e ka konfirmuar për Reporteri.net, zëdhënësi i Policisë, Agron Borovci. Ai ka thënë se ngjarja ka ndodhur rreth orës 15:45, në rrugën “Ilaz Kodra”.  “Policia menjëherë ka dalë në vendin e ngjarjes ku ka ftuar edhe mjekët emergjent të cilët kanë konstatuar se personi, mashkull, rreth 50 vjeç, është pa shenja jete”, ka deklaruar Borovci. Policia ka nisur punën për zbardhjen e plotë të të gjitha rrethanave që karakterizojnë rastin.