Çaste poetike me poeten;-Anila KODRA

NËSE NJË DITË MË PYET

—————————————-

Nëse një ditë më pyet sa më do ,

lexo këto rreshta , përgjigje mos kërko .

Të dua si diell të më rrish në sy ,

si hënën të dua netëve , kur s’je aty .

Të dua ujë krojesh t’më rrëshqasësh mbi shtat ,

si bletëz të zukatësh e mos më lësh rehat .

Oksigjen të kam , ajër , puls i zemrës time ,

të dua si jetën , si dua dhe pres agimet .

Sa deti të dua pa fund e pa anë ,

ti shkrin aisbergët , më pas digjesh vullkan .

Të dua si ujin që pema kërkon

Sa herë që të puth më shumë etjen shton .

Të dua pa fund , ty të kam gjithcka ,

më thua kur ti qesh , qeshet edhe bota .

Me zemër të dua , s’njeh rrudhë vec përflaket ,

më shumë të do shpirti , s’njeh moshë dhe nuk plaket .

/QendraPress/