Çaste poetike me poeten;-Barie ÇUPI

Nëse…

——————-

Nëse do mendoja ndryshe,

do kisha dashur më pak zë,

më shumë poezi,

më pak dashuri,

më shumë këngë.

Do të isha një ndalesë në heshtjet e fshehta,

do trashëgoja më shumë pengje,

madje do mbetesha trupthi një peng,

mallin e akullt do ta ktheja në shteg.

Asgjësë do t’i kërkoja të buzëqeshte,

mungesat do të ishin

si zjarri që e ndez një shkrepse.

Në këmbim të syve,

do dhuroja rrugën e lirisë,

në një libër “të shitur”

do sfidoja

krejt ëndrrat e rinisë.

…

eeh,e kotë të mendoja ndryshe.

…

sot në këmbim të fjalës,

mund të lëshoj vetëm kohën e hiçit

dhe duart bosh të shtrëngimit,

pamja e shpirtit tim tani,

i ngjan një hapësire

…

si në ditët e fillimit.

/QendraPreess/