Çaste poetike me poeten;- Dava Gjoka LLESHAJ

JETË …..!

———————–

Iku si iku edhe kjo natë

Dhe pse për t’gjithë nuk ishte njësoj

Ndoshta dikujt ju duk shumë e gjatë

Për dikë tjetër ,shumë shpejt kaloi !

Dikush ,natën ,shpejt ka kaluar

Dikujt e gjatë ju duk prej mërzisë

Natën,dikush dhe jetë ka ndrruar

Nga ndonjë sëmundje a moshë e pleqërisë !

Dikush hedh fishekzjarre se po martohet

Sonte po djeg shaminë e beqarisë

Dikush me vehte ,flet e mendohet

Nata e gjatë i duket prej vetmisë !

Dikë ,gjumi e zuri pa ngrënë

E dikush tjetër, numëron paratë

Dikush sheh yjet ,natën me hënë

E prap se prap iku kjo natë !

Një grua ,natën , lindi djalë

E në shpirt , shumë u gëzua

Të ,të rrojë u dëgjua sonte një fjalë

Kur dhe një tjetër me vajzë u shtua !

Eh, si është kështu kjo jetë

Të gjitha fatet nuk janë njësoj

Dikush natën e bën të qetë

E dikush tjetër ,zgjuar kaloi !

Sado e gjatë , ti , natë të jesh

Dita e re prap do të vijë

Mëngjesi bukur do buzëqeshë

E Dielli ,Tokës ,prap do t’i ndrijë !

/QendraPress/