Çaste poetike me poeten;- Dava Gjoka LLESHAJ

NANË O NANË MA E BUKURA FJALË

———————————————-

Nana asht si perëndeshë

Shëron plagë e shëron zemër

Duaje pra sa kohë ta kesh

Se nana asht ma i bukuri emër

Veç një fjalë kur ta thotë nana

Sikur flet vetë perëndia

Buzëqesh dielli e hana

Nana asht vetë dashuria

Dhe kur nana nuk asht gjallë

Shpirti saj nga dheu flet

Ke nevojë veç për një fjalë

Se nana asht hyjnia vetë

Nana asht si e bukura valë

Që përkëdhel kur del në breg

Nanë o nanë më e ëmbla fjalë

Pa ty s’ka kuptim kjo jetë

Duaje nanën sa asht gjallë

Se ma vonë do t’jetë e kotë

Nanë o nanë ma e bukura fjalë

Nanë, pa ty s’ban dritë, kjo tokë

/QendraPress/