Çaste poetike me poeten ;-Fatbardha Xhani MYSLIMAJ

AJO GRUA

————————

Ti ke qenë vjeshta e një gruaje

Paskam faj

Që u bëre pranvera ime…

Ajo qau për fëmijën që s’lindi me ty;

Ndjehem në faj

Për një lule të bardhë

Që lindi mes nesh

Me qumështin e Kashtës së Kumtrit

Çdo mbrëmje

E mëkojmë si fëmi…

E ajo grua s’di pse trishton

Në krahët e tjetrit tek rri…

Ditëve dhe netëve

Nuk i mungojmë ne të dy

As drita e yjeve mbi sy

As flak e gushtit në zemër

As lëngu i kërcellit të lules,

E mua,

Më dhimbset ajo grua

Që dashurinë tënde copëtoi…

E mua

M’u desh copëzat

Një nga një t’i mbledh

E diellin tënd ta bëj të shndrisë

Sërish… Sërish… Sërish…

Ajo grua zgjat flokët

Shkurton mendimet

Dhe bën të të rikthejë

Në kujtimet e vakëta

Të copëzave të dashurisë së saj…

Dhe tretet në vaj

Penduar

Pse sa unë s’të deshi dot

Dhe tretet në lot…

Prej mënyrës tënde të plotë

Mësova thellësisht të dua

Prekja jote ëmbël më thotë

Zemër…Ti je, Grua…!!

/QendraPress/