Çaste poetike me poeten:-Fitnete Bashota KRASNIQI

BOJGJAKE

—————————

Dikur nëpër rrugë e livadhe plotë

lulëzonte kjo lule,

që n’mend e kam edhe sot!

Toka ishte e mbushur

me shkurre e barishta,

me gonxhe të llojllojshme,

buzëqeshte Malishta.

Gladiola, zymbyla,trëndafila

lulja bojxhake, si hyjnore

e bime sikur gishta.

Sa herë dielli lindte e perëndonte,

lules bojxhakes,

fletët ia shkrumonte.

Kishte fletë të bukura , me erë të lehtë

ngjyrën e kishte, ngjyrë gjaku,

të hapur e jo të fshehtë.

Eh, sa herë e shkula me rrënjë,

i thitha erë me frymë,

e shijova, e putha,

derisa dyjat u shkrimë.

Ja ,shkundësha fletët një nga një,

në ajër fluturonin ,fluturim,

të bukura,me ngjyrë bojëgjake,

të buta, të lehta , mu si shpirti im!

Lule bogjake, profili im,

ka vite që ju shkunda,

e sot,

para syve m’rrini kujtim!

/QendraPress/