Çaste poetike me poeten; Klodiana Taka IBRAHIMI
Më thanë!
————————-
Më thanë se buzëqeshjen
ke të veçantë të rrallë
Sa ndonjëherë mendojmë
se je komplet e marrë
Më thanë gjithë këtë energji
vallë ku e gjen
A’thua në këtë jetë
asgjë nuk të dhemb?
Më thanë se buzëqeshja
të shkon për shtat
Të jep një nur të bukur
qëndisur nga Zoti lartë
Sì mund t’ju thoja
s’jam aspak e marrë
Në këtë botë të egër
duhet të ndihesh gjallë
Si mund t’ju thoja
forcën ku e gjej
Brenda zemrës time
ka dhimbje që flejnë
Si mund t’ju thoja
buzëqeshjen kam ilaç
Në shpirtin tim të bukur
mirësia ka hedhur shtat
Një ditë të mbarë uroj përzemërsisht miq të mirë!
Respekt
Torino Itali (Poezia e shkruar 24/03/2024)
/www.QendraPress.com/
