Çaste poetike me poeten;- Miranda KABASHI

NUK VDES DASHURIA

————————————

Në u bëfsha qorr dhe më s’të shikoj,

Në u bëfsha shurdh, zërin s’ta dëgjoj,

Nëse hiqem zvarrë, me trupin kërrusur,

Duart që më dridhen, fytyrën e ngrysur.

Nëse vjen një ditë dhe ty të harroj

Me unë s’do të puth as të përqafoj

Nëse buza dridhet, më s’të thotë “të dua”

Pyete Zotin lart, pse çdo gjë u shua?!

Prapë veç dashuria, nuk ka për të vdekur,

Shpirti prush i ndezur në hirin e mekur,

Gjurmët fillojnë treten, në rrugët pa kthim,

Zemra ime zbrazet, mbytur në trishtim.

/QendraPress/