Çaste poetike me poeten:-Principessa SOFIA

TI DI EMRIN TIM, POR JO HISTORINË TIME…

———————————————-

Di emrin tim,

por nuk njeh historinë time…

Ke dëgjuar çfarë kam bërë,

por jo çfarë kam përjetuar.

Di ku jam,

por nuk e di nga kam ardhur,

as sa rrugë kam bërë

për të mbërritur këtu.

Më sheh duke qeshur,

por nuk e di

sa shumë kam vuajtur,

sa net kam qarë në heshtje,

sa herë e kam mbledhur veten

nga copat që të tjerët s’i panë.

Ti sheh buzëqeshjen time,

por nuk i njeh lotët

që fshihen pas saj.

Ndaj…

rresht së më gjykuari.

Mos më mat

me atë që ke dëgjuar për mua.

Sepse ajo që di ti

është vetëm një copëz

e një historie

që nuk e ke jetuar.

Të dish si quhem,

të dish ku jam,

të dish disa fjalë për mua…

nuk do të thotë se më njeh.

Sepse për të më njohur vërtet,

duhet të kishe ecur

në këpucët e mia,

të kishe qarë me lotët e mi,

të kishe luftuar betejat e mia

dhe të kishe mbijetuar

netët që unë i kalova vetëm.

Atëherë, ndoshta…

do ta kuptoje

se pas kësaj buzëqeshjeje

fshihet një histori

që nuk e njeh askush. 

/QendraPress/