Çaste poetike me poeten;-Sadete HISENI

Ta dish

—————–

Edhe kjo e nesërmja, pranverë

Ikën pa za

E dje ka me u ba

E sheh, miku im?

Disa zogj nuk u kthyen kurrë

Jo se harruan

Por krahët iu mbetën varur

Andej nga a mrrolë qielli

Mos beso në kthime, i dashur mik

Edhe kjo bëhet dimër, ta dish

Një dimër që shton rrathë

Në trungje të kalbura

E ndoshta tashmë të prera

Miku im,

Të gjitha bëhen dje

Një nga një,

Pa zhurmë

Si gjethe që flenë palë-palë

Lulet e bardha

Vjollcë, kuqe, të kaltra

Janë veç një mashtrim i shkurtër

Pranveror

Edhe ato vyshken, kthehen në dje,

Bahen hi,

Bahen pluhur

Që era nuk i mban mend

Mos fluturo me sy mbyllur

Zog shtegtar…

Se qielli ma nuk fal

Ta dish

Çdo nesër është një humbje e re

Që vishet si shpresë

Për të na mashtruar

Ty edhe mua

Ta dish…

7Prill26 S.B

/QendraPress/