Çaste poetike me poeten;Anila KODRA

TI DHE ËNDRRA IME

—————————–

Ti , ishe ëndërr e një nate vere ,

Tani çdo mbrëmje në fllad më je kthyer,

Tek hedh vështrimin netëve ne penxhere

Shoh qiellin e dëshirave që me platin ma ke ngjyer..

Ti , që sa herë të ëndërrova s’di pse ishe larg ,

Tani vetëm ndaj mëngjesi ikën nga unë ,

Ditëve që më shkundën si gjethe i vure prag

Galaktika me dëshira ke shtuar më shumë .

Ti , që shpesh të ëndërroja netëve në terr,

Herë si një engjëll dhe herë si njeri ,

Tani je gjithëckaja qē ditës mi jep vlerë

Dhe dita bëhet ëndërr çdo çast vetëm nga ti .

Ti , që ndonjëherë bredh prapë nē ëndrrat e mia të bardha ,

Si Magelani botës i shkoi përqark ,

Mi ngrohe netët kur shpesh edhe mardha

Mi ktheve agime të bardha pak nga pak .

Ti , vetëm ti kur më vjen nëpër ëndrra ,

Je kthyer në ndjenjë, pasion dhe është krejt ndryshe ,

Mē zgjon nga gjumi por nuk ka më zhgjëndrra

Në ëndërr dhe jashtë saj tani jam një Hirushe..

/www.QendraPress.com/