Çaste poetike me poeten;Gerta Bandilli Becka
POEZIA E FUNDJAVËS
——————————–
U bë kohë që nuk jemi parë
Dhe u harruam
Ti harrove se mua më pëlqente bluja
Dhe unë harrova se ti pikturoje qiellin
Unë harrova se zogjtë shtegtojnë kur vjen vjeshta
Dhe ti harrove të pikturoje vjeshtën.
U bë kohë që nuk jemi parë
Dhe u harruam
Ti harrove ngjyrën time të flokëve
Dhe unë ngjyrën tënde të syve
Unë harrova që ti mbrëmjeve sodisje yjet
Dhe ti harrove që mëngjeseve
Unë prisja diellin.
U bë kohë që nuk jemi parë
Dhe u harruam…
Ironia e kohës për njerëzit e harresës
