Çaste  poetike me poeten:Sadete HISENI

Rrapi im

——————————–

Po troket kjo stinë e vrugtë

ballin po t’a zhveshë ditë e nga pak

Ruaju erës rrapi im

Se t’a lëviz rrajën

T’a dredhon trupin

e pa gjethe ka me të lanë

Ashtu si lulen time në saksi

veç e zverdhi kjo vjeshtë e hershme

Ruaju rrapi im

Po thyhesh pahiri nga nasgjaja

Nga hidhërimi

Në këtë prag dimri

Se mos po të ngulë pikën kush

Drejtë e në zemër

Dhe t’a qanë gjoksin djaloshar

Duke të plagosë thellë

Ashtu siç plagoset një zemër drenushe

/www.QendraPress.com/