Çaste poetike me poeten:Valbona KOLAVERI

ENERGJI

————————

Çdo ditë në sy

ngre qiej

Zemrën e zgjidh

nga shpërgajt e idhnimit

Supeve mbaj

male dashurie

Që kur t’mos jem më

t’mos i falem qiejve të harrimit

Çdo ditë

fatin e puth në buzë

t’më shndrijë dita

Dhe u marr erë

luleborave të shpirtit

Të valëzoj

e paqtë energji

&   &    &

THARTIRË

——————————–

U zbrazën barqet

e harbutëve

I vollën vrerët

se i rrufitën

ti pinë me fund

ditët

Tek i gllabërojnë

tinëz botët

Rrufjanët

I vollën vrerët

e barqeve handrak

Thartirë e tyre

mbytëse

vjen erë