Çaste poetike me poeten:Ilire ZAJMI

7 DITË

—————————-

Më njohu më mirë se çdo burrë tjetër
trupin tim e shijonte kur i donte qejfi
Duart i mia i pëlqente t’ia hidhja rreth qafës 
Të mi shihte sytë  vezullues në terrin e natës    

Më donte edhe të shtunën e të dielën
7 ditë të javës

Ai nuk bezdisej për klithjet e mia
heshtjen e ithët lotët e munguar
Fëshfërimën e ftohtësinë e trupit
zhuritjen e zemrës errësirën e shpirtit  

Shtatë ditë të javës numra në kalendar 
Një portë e  lënë hapur nga ëndrra harruar.