Çaste poetike me poetin;-Abdullah BLAKÇORI

UDHË PA FUND

———————–

Jemi nisur që moti

Në një udhë të gjatë

Por ajo s’ka fund

S’ka metër që e mat

Me këpucë të grisura

Të uritur ecim

Të lodhur e të rraskapitur

Në mes saj po ngecim

Vallë ku na çon kjo udhë

Që është leqe-leqe

Kur as lulet nuk po çelin

Në këtë stinë të keqe

Njëri thotë gati arritëm

Tjetri edhe pak thotë

Një tjetër i mërzitur

Ngushëllim gjen në gotë

Kur duke ecur na shohin

T’molisur e të djersitur

Dhe fqinjtë po na përqeshin

N’këtë lojë t’përsëritur…

/QendraPress/