Çaste poetike me poetin;-Avni NEZIRI

UNË E NËNA

———————-

Nëna e trazuar në varr

më qortoi e më këshilloi

mos ta marr afër zemrës

shqelmin me majë të thembrës.

Çfarë paska ndodhur

Ku mbeti dashuria motër e vëlla

Ç’halle kanë, ç’xekërr i kapi

Paska luajtur larg e larg hesapi.

Të lodhur, pa hiq mëshirë

hallin tim ndjeu nëna në varr

Kishte lotuar e s’rehatohej dot

vuajtja, o bir, të merr shëndetin.

Unë e nëna lëngojmë të dy

babai, si të mbahet krenar

Oxhaku në urrejtje qenka djegur…

a thua vuan atdheu si unë.

Kjo dukuri do të më shuajë

fëmijët, kush i ngroh më vonë

Brengosem dhe lutem shpirtërisht

mos të çirreni pranë varrit tim.

/QendraPreess/