Çaste poetike me poetin;-Aziz AHMETI

QYTETI I TË PARËVE TË MI

“Boll me ken shkodran se tana i ban”

 – Thënie shkodrane

————————————–

Vizitova qytetin e bekuar shqiptar

Prej nga shkruhet historia ime më parë

Në qytetin e bukur, në Shkodrën historike

U takova me një shoqe, me një timen mike.

Në hotelin “Rozafa”, me nam të mirë

Hymë brenda nga një kafe ta pimë

Filloi biseda të rrjedhë pak e nga pak

Shkëmbyem llafe e llafe, përmerak.

Biseda rrodhi ngadalë e me parime

Fillova t`ia tregoj historinë time

Më fuqizoi me fjalët më të mira

Kur jemi bashkë, s`ka ditë të vështira.

Më tha: “të kam vëlla, ti më ke motër”

I thash: jemi shqiptar, kemi një votër

Më tha: “për ju jam më e mira mike”

Brohorita fort: Rroftë Shqipëria Etnike.

/QendraPress/