Çaste poetike me poetin;-Kujtim OSHAFI

Si një vashë Pogradecare….

————————————————-

Hënë të thashë por atë natë skishte

Yjet bashkë me të ikën

Nga zilia dot nuk rrinte

Të panë ty dhe fikën dritën.

Por më kot më kot e kishin

Ne të zënë dorë për dore

Ecnim shtigjeve që njihnim

Që i ndriçonte këmba jote.

Dritë lëshonin mbi sandale

Gurët diamant të vënë

Si një vashë Pogradecare

S’kish nevojë për yll e Hënë.

Orientim kishim bilbilat

Që këndonin cep më cep

Bashkë me to dhe gjeraqinat

Po na nxirrnin për në breg.

Për në breg ku vala rrihte

E liqenit lehtë e lehtë

Që skishte aq nevojë për dritë

Dritë ishte vetë qyteti Pogradec!

/QendraPress/