Çaste poetike me poetin;-Sherif GASHI

DASHURIA ËSHTË BUZËQESHJA JOTE

—————————————————

Ngado që shkon buzëqeshje mbjell,

Ma largon natën, mëngjesin ma sjell,

Shkëlqim m’i jep ditës, shpresë e ngrohtësi

Ma mbulon jetën plot me dashuri.

Buzëqeshja jote shpesh më turbullon,

Një ndjenjë nga brenda sikur gurgullon,

Dhe jeta mbushet plot me ngjyra,

Pranverë nga brenda e jashtë natyra.

Edhe sytë tu dritë buzëqeshin

Dhe me plot ngjyra natyrën veshin,

Në kohë e stinë ata gjallërojnë,

Dashurinë e lumturinë ata begatojnë.

Kur ti buzëqesh, çdo gjë buzëqesh,

Lumturia me ty lumturohet,

Kur ti buzëqesh edhe natyra qesh,

Dashuria me ty përjetësohet.

/QendraPress/