Çaste poetike me poetin:Sahit OSMANI

PLUSKMI I DASHURISË

———————————————–

Pluskon kënaqësisht në ëndrrat mitare

me kënaqësi të fshehur në jetën vetjake

e pamundura e josh kur hëna hedh dritë

buzëmbrëmjeve përshfaq fytyrën e vetë

Shpreh ndjenjat pa u ndrojtur nga asgjë

e etur të depërtojë në thellësi të shpirtit

sa e përkryer sa e paprekur në fshehtësi

e honepsur rreth vetes me plot mrekulli

Nuk i shlyehet kujtesa është e përsosur

as koha s’i kthehet kur e josh rrëzëllimi

shndërrohet në ďiçka të natyrës intime

pluskon dashurish në zemrat pa ndarje