Çaste poetike me poetin:-Urim MEZINI

RINI, AGIMI KA FYTYRËN TËNDE

——————————————–

Kur koha dukej që kish ndalur,

Dhe kur shpresa qe rrënuar e venitur,

Lindi agimi nga rinia e bashkuar,

Terrin nga toka amë për ta larguar.

Në ballë, me zemrat e tyre rinore,

Me besimin e patundur në liri,

Shtatë ditë zëri i fortë çau llogore,

Rriti e ngriti shpresën te çdo njeri.

Mot e jetë bekuar qofsh, o e jona rini,

Që shpresën te ne mbolle përsëri,

Për zemrat e lodhura u bëre shkëndijë,

Na mbushe me kurajën për të kërkuar liri.

Ndaj shko përpara e kurrë mos u ndal!

Mijëra sy shprese të ndjekin me etje,

Atdheu në duart tuaja bëhet valë,

Sepse agimi i tij ka fytyrën tënde.

/QendraPress/