E diela poetike me penën e artë të shkrimtarit;Gëzim Ajgeraj

Metamorfoza e dhimbjes

—————————————

Ai luftës i mbijetoi

me njëmijë përpjekje sakrificë mund e trimëri

thonë se në front u dallua për trimëri

e zëri s’iu dëgjua

e deshi atdheun vendin tij

që brezat të jetojnë të lirë

dhe fëmijët e tij

Tani Ai jeton dhimbshëm

i përbuzur i nëpërkëmbur i lënë në harrim

e sheh të heshtur të ngrysur të thyer

besa edhe të përndjekur

nga ata që s’lëvizën as këmbën për lirinë

shikon çuditshëm tek glacojnë

sorra morra e minj mbi lirinë

e shokëve të tij

dhe mbi shpirtin e dërmuar të tij

Ai ndrydhet i heshtur

brenda idealit të tij