E diela poetike me shtatë poet:Skender Berisha

NUK E DI

—————————————-

Si nuk u takuam më

E kaluam nëpër një va

Një ditë valë e shtërgatë

Pastaj një tjetër krajatë

Një kapelë e bruzët e thekur

Nuk e patëm as një rriskë pjepër

Mbetëm mangu për shumë

Dhe prapë e kaluam përpjetën

Do të dal prapë në kafenenë e vjetër

Do të të kërkoj gjithë jetën

Edhe në mbettë rakia

Aty le të rri e paprekur

Një gjasë nuk arriti të bëhet

Një borxh nuk arriti të lahet

Ne nuk u plakëm

Unë ngeca po jush nuk ndahem

23 qershor 2022