E diela poetike me shtatë poet:Sabit Rrustemi

 Dhomave të harruara të shpirtit …

KUR TË FTOJ MË NUK JAM

( Variant final )

Nëse nisesh ndonjëherë kah unë

përmes asaj Fryme Shpirti

a një ëndrreje që u fsheh diku

zhvishi rrobat e rreme të ditës

atë pelerinë të hollë të natës

dhe të ithtat fjalë që s’t’i desha

e – eja

Kah unë po u nise ndonjëherë

se vjen një ditë

e udha vetëvetiu të qet këndej

merri vetëm të paqtat e shpirtit

veten tënde që t’ka munguar

e – eja

eja – se ende prej mishi e ashti jemi

me atë lëng të kuq që lëviz nëpër dej

Eja pa të ftuar

po t’them

se kur të ftoj më nuk jam

( 25 qershor 2022 )