E mërkura poetike me poeten;-Anila TOTO
NJË SHTET I VOGËL NĒ KOKĒN TIME
Një shtet të vogël
në kokën time,
arenë luftërash për lumturi.
Për lirinë e fjalës
për çështje sublime,
dashuri pa kushte,
ose më mirë vetmi.
Një shtet i vogël në shpirtit tim,
banojmë e duhemi si gjithë bota
vetëm se më duket sikur kemi sozi’
e nis më dhemb koka.
Një shtet i madh në sytë e tu.
Ndonjëherë…
ndiej të rriten flutura
nisën prej teje, drejt meje vijnë
krahëngjyra,
të bukura.
Një shtet i vogël në sytë e mi
Kaq shumë banorë brenda kësaj teme,
unë fle aty…
në sytê e tu
me ligje e nene.
*****
NË FUND…
Në fund kthehen të gjithë në shtëpi
plangprishësit dhe të mirët.
Shtëpia mbushet plot dashuri
të pastër e të dlirët.
Në fund kthehen të gjithë në shtëpi
të pasur apo të varfër.
Shtëpia të pret me një mirësi
që askund nuk e ke patur.
Në fund kthehen të gjithë në shtëpi
në të mirë e në të keq.
Një zë i heshtur që vjen deri tek ty
të thërret, të thërret, thërret…
Më fund kthehen të gjithë në shtëpi
Qoftë edhe kthim i hidhur!
Të pret një mal me dashuri
nga çasti që ke lindur.
****
/www.qendrapress.com/