E mërkura poetike me poeten;Margarita Llapushi ZENELI

Pa ata ,do ishim hiç’…

———————————

Në këtë botë, të butë ,të egër

s’është e thënë t’kemi veç miq,

ka dhe që na shohin shtrembër

nofkën’, u a vëmë armiq !

Në këtë botë, të butë ,të egër

po nuk patëm ca armiq,

tek miqtë tanë do ishim skllevër

s’do rriteshim ,do ishim hiç’!

Në këtë botë, të butë, të egër

progresi s’kërkon veç miq,

duhet ego të bësh emër

të duhen disa armiq!

Në u zhytsha në një baltë

nga një shtyrje e pashpirt,

e pres nga kundërshtarët

larg qoftë t’më ndodh nga miqtë!