E shtuna poetike me poetin;-Nexhbedin BASHA

Aty ku lind dashuria

——————————-

Në sytë e tu të përhumbur

humbim të dy,

si dy shpirtra të dashuruar në heshtje.

Një gotë verë dashurie

do ta pimë me endje në dritën e syve të tu.

Dhe nata bie ngadalë mbi ne,

si një mantel i butë drite e hije,

koha ndalet në një çast të vetëm,

ku fjala tretet

dhe mbetet vetëm ndjenja e fuqishme,

me shije.

Vera në gotë merr shijen e emrit

tënd,

si një kujtim që nuk di të shuhet,

dhe çdo pikë që rrëshqet në shpirt

zgjon një zjarr

që nuk kërkon kthim, por ruhet

Dhe unë e kuptoj papritur,

pa zë, pa zhurmë,

si një dritë që bie mbi heshtje:

kam rënë në dashuri me ty,

pa ditur se ajo ishte bërë udha ime.

pa e ditur kur nisi kjo udhë,

Në këtë heshtje ku lind dashuria,

edhe pritja bëhet dritë e butë,

dhe gjithçka që s’u tha me fjalë

jeton në një përqafim të pafund.

Ti je diell e hënë… je krejt galaktika

në sytë e tu përkundet… një botë plot drita

/QendraPress/