Fryma poetike e së dielës me poeten;-Anila KODRA

E VËRTETA

——————-

E vërteta , shpesh fshihet shumë thellë,

Atje ku mëndja dhe truri nuk shkon kurrë ,

Ndonjëherë ndodh të jetë si ato fjalët

Që mbeten heshtur, s’dëgjohen në rrëmujë .

E vërteta , ndodh është si të paktat pyetje,

Që s’ke guxim ti bësh dot asnjëherë ,

Herë -herë të duket edhe si ato përgjigjet,

Që pret ti marrësh dhe për ty kanë vlerë .

E vërteta, janë të gjitha pikëpyetjet, pse- të,

Që lodhesh dhe asnjëherë dot ti si kupton ,

Shpesh të ngjajnë edhe me heshtjen,

Që çuditërisht asnjëherë dot se shpjegon .

E vërteta është si vetja jote , vërtet e bukur

Edhe pse ndodh ndonjëherë dhemb fort ,

Herë-herë ta mbush plot gëzim e dritë ditën

Ashtu si mund të ta mbushë edhe me lotë .

Mund të të zbrazë xhepat , por pasuron shpirtin

Kjo ndodh për këdo që ka zemër të dlirë .

E vërteta është e bukur dhe kur lëndon,

Të bën fisnik , me vlera , të bën njeri të mirë .

/QendraPress/