Fryma poetike e së dielës me poeten :-Mevlyde Mezini SARAÇI

Pritja mbeti peng

Shoqes time të klasës, Gjylfidane Bullatovci Ibrahimi

————————————————————

Si një re në qiellin e trazuar i mbylle sytë

Si pëllumbeshë e bardhë u ngjite lartësive

Me buzëqeshjen tënde engjëllore

Lamtumirën nuk ia dhamë njëra tjetrës

Vec premtimin se së shpejti do të takohemi

Së bashku në pesëdekadëshin e maturës

Dhe aty nuk nuk u takuam pritja mbeti peng

Për të mos u parë më asnjëherë

Dhembja për ty depërtoi poreve të shpirtit

Tani si në reportazh parakalojnë vitet

Atëherë kur secila stinë ngjante në pranverë

Me shokë e shoqe drejt rrugës së diijes

Me bekimin e nënave tona syshqiponja

Hapëronim pa na luajtur as qerpik i syrit

Derisa na përplasën hallet e jetës moteve

Sot e paske zgjedhur shtëpinë e përjetshme

Duke lënë prapa trashëgimi vepra kujtime

/www.qendrapress.com/