Fryma poetike e së dielës me poetin;- Fadil ABAZI

PA TY

-Nënës sime

Pa Ty
Jam si piktura pa ngjyra
dhe
I ngjaj natyrës se vdekur n’kornizê
Pa Ty
Jam si Shisha e zbrazët n’ tavernën e braktisur
dhe
I ngjaj eremitit që thur vetminë
Pa Ty
Jam si një diademë mbretërore që fundoset
dhe
I ngjaj Kujtimit të harruar n’hije të kullës
Pa ty
Jam valë deti që përplaset në bedena
dhe
I ngjaj një nate të errët të fjetur e t’lagun n’shi..
Pa ty
Jam si nata pa hanë si Dita pa diell
Dhe
I ngjaj zogut vetmitar që fluturon n’qiell

/www.qendrapress.com/