Fryma poetike e së dielës me poetin:-Sami MULAJ

MATJA E MOSHËS

—————————–

Sa vjeç je …?!

Kur ka hy hyrrjeti

baba ka qenë katër vjeç..

Kur eshtë djegë malësia

nana ka qenë në djep.

Kur na ka ra nemcja

mixha sa ka nisë me ecë.

Kur ka ikë Italia…me thonë se kam le.

Në vjetin e rracionit

motra e madhe ka nise me folë

Kur eshtë mbyllë kufini

baba ka shkue ushtar në Vlorë.

Kur u ndamë me Titon

mixha ka shkue në shkollë

Kur jem prishë me Stalinin

ka vdekë gjyshja jonë.

Kur ka hy kooperativa

vëllaj eshtë ba me djale,

Me Kinën e Mao Ce Dunit

kur ka dekë gjyshi u ndamë.

Kur ka ra tërmet në Shkodër,

na ka lind motra e vogël

O, moj e mirë kabllush kuqe,

kollxom ditën kur t’shkosh nuse

As ditën kur kem le

e vdekë

nuk na lanë me e mësue,

mbi 100 vjet,

në gurin e varrit tone,

as ditëlindje,

as ditëvdekje nuk eshtë shkrue

/QendraPress/